Amir ئەمیـــــــــــــر

به‌پێی‌ راپۆرتی‌ وه‌زاره‌تی‌ ده‌ره‌وه‌ی‌ ئه‌مریكا رۆژانه‌ 54 ژنی‌ ئێرانی

‌ بۆ ئیستسماری‌ جینسیی‌ تیجاری‌ له‌ پاكستان دا ده‌فرۆشرێن

كوردستان میدیا: به‌پێی‌ راپۆرتی‌ وه‌زاره‌تی‌ ده‌ره‌وه‌ی‌ ئه‌مریكا له‌مه‌ڕ قاچاخی‌ ژنان‌و منداڵان له‌ جیهان دا، ئێران له‌ ره‌ده‌ی‌ سێهه‌م (دوایین ره‌ده‌ له‌ بواری‌ خه‌بات له‌ته‌ك قاچاخی‌ مرۆڤـ دا) جێی‌ گرتوه‌‌و ژنانی‌ ئێران له‌ نێوخۆی‌ وڵات دا به‌ ئامانجی‌ به‌دره‌وشتی‌‌و  شوکردنی دنی‌ زۆره‌ملێ‌ به‌ مه‌به‌ستی‌ دانی

‌ قه‌رزه‌كان، قاچاخ ده‌كرێن.هه‌روه‌ها له‌ راپۆرته‌كه‌دا هاتوه‌: ئێران وه‌ك سه‌رچاوه‌یه‌ك، شوێنی‌ هاتوچۆ‌و وڵاتی‌ گیرسانه‌وه‌ بۆ ژنانی‌ قاچاخكراو به‌ ئامانجی‌ تیجاره‌تی‌ جینسی‌‌و نۆكه‌ری‌ خۆنه‌ویستانه‌ (زۆره‌ملێ‌)یه‌.
به‌پێی‌ راپۆرته‌كه‌ منداڵانیش له‌ نێوخۆی‌ ئێران‌و له‌ ئه‌فغانستانه‌وه‌ بۆ پێكهێنانی‌ ژیانی‌ هاوبه‌ش به‌ شێوه‌ی‌ زۆره‌ملێ‌، ئیستسماری‌ جینسیی‌ تیجاری‌‌و كۆیله‌یی‌ زۆره‌ملێ‌ وه‌ك سواڵكه‌رو كرێكارا بۆ ئێران قاچاخ ده‌كرێن. هه‌روه‌ها ژنان‌و كچانی‌ ئێرانی‌ به‌ مه‌به‌ستی‌ ئیستسماری‌ جینسیی‌ تیجاری‌ بۆ وڵاتانی‌ پاكستان، توركیه‌، قه‌ته‌ر، كوه‌یت، ئیمارات، فه‌ڕانسه‌، ئاڵمان‌و ئینگلیس قاچاخ ده‌كرێن. به‌ شێوه‌یه‌ك له‌ رۆژدا 54 ژنی‌ ئێرانی‌ له‌ ته‌مه‌نه‌كانی‌ نێوان 16 تا 25 ساڵ‌ بۆ ئیستسماری‌ جینسیی‌ تیجاری‌ له‌ پاكستان دا ده‌فرۆشرێن.
له‌ درێژه‌ی‌ راپۆرته‌كه‌دا هاتوه‌: ده‌وڵه‌تی‌ ئێران به‌ ته‌واوی‌ له‌گه‌ڵ‌ ئیستاندارده‌كانی‌ پێشگرتن به‌ قاچاخ دا هاوكاری‌ ناكا‌و هه‌وڵی‌ پێویست بۆ ئه‌م كاره‌ نادا. راپۆرتگه‌لی‌ باوه‌ڕپێكراو نیشان ده‌ده‌ن كه‌ به‌رپرسانی‌ ئێرانی‌ قوربانییانی‌ قاچاخ له‌ رێگه‌ی‌ قامچی‌لێدان، به‌ندكردن‌و ئێعدامه‌وه‌ سزاده‌ده‌ن. ده‌ستڕانه‌گه‌یشتنی‌ ده‌وڵه‌تی‌ ئه‌مریكا، كۆكردنه‌وه‌ی‌ زانیاریی‌ ته‌واو له‌مه‌ڕ كێشه‌ی‌ قاچاخی‌ مرۆڤـ له‌و وڵاته‌دا‌و هه‌وڵه‌كانی‌ ده‌وڵه‌ت بۆ به‌ربه‌ره‌كانێ‌ له‌ته‌كی‌دا ئه‌سته‌م ده‌كا. به‌ڵام به‌و حاڵه‌ش سه‌رچاوه‌ جۆراوجۆره‌كان راپۆرت ده‌ده‌ن كه‌ ده‌وڵه‌تی‌ ئێران ئیستاندارده‌كانی‌ پارێزگاری‌ له‌ قوربانییه‌كانی‌ قاچاخ ره‌چاوناكا‌و ئه‌وانی‌ خستۆته‌ ژێر لێكۆڵینه‌وه‌‌و له‌ هێندێ‌ جاردا به‌هۆی‌ مه‌سه‌له‌ ئه‌خلاقییه‌كان كه‌ راسته‌وخۆ له‌ قاچاخه‌وه‌ سه‌رچاوه‌ ده‌گرن، ئێعدامی‌ كردون. ده‌وڵه‌تی‌ ئێران ده‌بێ‌ هه‌نگاوگه‌لێك بۆ پێشگرتن له‌ سزادانی‌ قوربانییه‌كانی‌ قاچاخ بهاوێژێ‌‌و گه‌ڵاڵه‌یه‌ك داڕێژێ‌ كه‌ قاچاخچییه‌كان سزابدا‌و پێش به‌ قاچاخ بگرێ‌.