لاوان لە دەرەوە

  کۆبوونه‌وه‌ی ده‌سته‌ی نوێنه‌رایه‌تی گشتیی یه‌‌کیه‌تیی لاوانی دێموکراتی کوردستانی ئێران له‌ ده‌ره‌وه

رۆژی شه‌ممۆ، رێکه‌وتی 12 05 2007ی زایینی، زۆربه‌ی نزیک به ته‌واوی ئه‌ندامانی ده‌سته‌ی نوێنه‌ری گشتیی یه‌کیه‌تیی لاوانی دێموکراتی کوردستانی ئێران له‌ ده‌ره‌وه‌ی وڵات، کۆبوونه‌وه‌‌و سه‌باره‌ت به کاروتێکۆشانی یه‌کیه‌تیی لاوان له ده‌ره‌وه پاش بیروڕا گۆرینه‌وه‌و تاوتوێ کردنی هه‌لومه‌رجی تێکۆشانی لاوان، بۆ هه‌رچی زیاتر به‌ره‌وپێش بردنی تێکۆشانی لاوان له ده‌ره‌وه به تێکرای ده‌نگ کۆمه‌لێک بڕیاری رێکخراوه‌یان په‌سه‌ند کرد
له‌م کۆبوونه‌وه‌دا ئه‌م ته‌وه‌رانه قسه‌وباسیان له‌سه‌ر کرا:

1. هه‌لسه‌نگاندنی کارو تێکۆشانی ده‌سته‌ی نوێنه‌ری گشتیی لاوان

2. گرتنی سێهه‌‌مین کۆنفرانسی گشتیی یه‌کیه‌تیی لاوانی دێموکراتی کوردستانی ئێران له‌ ده‌ره‌وه‌ی وڵات.

3. هه‌ڵبژاردنی چه‌ند ڕاوێژکار بۆ ده‌سته‌ی نوێنه‌رایه‌تی گشتیی لاوان له‌ ده‌ره‌وه‌.

 کۆبوونه‌وه‌، سوپاسی خۆی ئاراسته‌ی سه‌رجه‌م کۆمیته‌کانی ده‌ره‌وه‌ی وڵات کرد که له ماوه‌ی رابردوودا شێلگیرانه پشتیوانیان له ده‌سته‌ی نوێنه‌ری گشتیی لاوان کردووه‌و، له چوارچێوه‌ی پێوانه‌کانی لاوان‌دا یارمه‌تیان داوه‌.
شایانی باسه‌، رێبه‌رایه‌تی لاوان وێرای به‌رزنرخاندنی تێکۆشانی ئه‌م ماوه‌یه‌، جارێکی دیکه له‌سه‌ر ته‌‌شکیلات سه‌روه‌ری لاوان پێیداگرته‌وه‌و پاراستنی ئه‌م پڕنسیپه‌ی به هۆکاری سه‌ره‌کی گه‌شه کردنی کاری لاوان له ده‌ره‌وه لێکدایه‌وه.

 کۆبوه‌نه‌وه‌که‌ کاتژمێر 17:00 ده‌ستی پێکردو کاتژمێر19:00 کۆتایی به‌ کاره‌کانی خۆی هێنا.

ده‌سته‌ی نوێنه‌رایه‌تی گشتیی یه‌‌کیه‌تیی لاوانی دێموکراتی کوردستانی ئێران له‌ ده‌ره‌وه‌ی وڵات.

13 05 2007

سه‌ره‌تای باسه‌که‌م‌


دواترین | په‌ڕگه‌ی 188 له‌ 373 | ‌په‌ڕگه‌ی ڕابردوو