لاوان له بریتانیا

پیرۆز بێت پێکهاتنی کۆمیته‌ی لاوان له وڵاتی بریتانیا

 لاوانی خۆشه‌ویست!

کچان‌و کوڕانی هیوادار به دوارۆژێکی ڕوونتر!

به خۆشحالیه‌وه  پێتان راده‌گه‌یه‌نیین، پاش هه‌وڵ‌و تێکۆشانی ده‌سته‌ی نوێنه‌رایه‌تی گستیی لاوان له ده‌ره‌وه، رۆژی پێنجشه‌ممه رێکه‌وتی 29 03 2007ی زایینی، به‌رانبه‌ری به 9ی خاکه‌لێوه‌ی 1386ی هه‌تاوی، به ئاماده‌بوونی به‌رێز ره‌حیم ره‌شیدی به‌رپرسی گشتیی یه‌کیه‌تیی لاوانی دیمۆکراتی کوردستانی ئێران له ده‌ره‌وی وڵات، به‌رێزان فه‌تحی میرزائیان به‌رپرسی کۆمیته‌ی حیزبی دێمۆراتی کوردستانی ئێران له بریتانیا، کاروان گوڵنازی به‌رپرسی کۆمیته‌ی مه‌نجێستر، کۆمیته‌ی کاتی لاوان له‌و وڵاته دامه‌زرا.
 سه‌ره‌تا به‌رێز ره‌شیدی سه‌باره‌ت به کارو تێکۆشانی یه‌کیه‌تیی لاوان له ده‌ره‌‌‌وه‌ی وڵات قسه‌و باسێکی پێشکه‌ش کرد‌و گرینگی دامه‌زراندنی کۆمیته‌ی لاوانی له وڵاتی بریتانیا خسته ڕوو. به‌رێزیان به وردی لایه‌نه جۆربه‌جۆره‌کانی تێکۆشانی رێکخراوی یه‌کیه‌تیی لاوانی له ده‌ره‌وه‌ی وڵات شی کرده‌وه‌وه‌و هه‌ڵسوران‌، گه‌شه‌ سه‌ندنی به‌رچاوی ئه‌م رێکخراوه‌‌ی به‌رز نرخاند. 
 پاشان به‌رێز فه‌تحی میرزائیان وێرای به‌خێرهاتن کردنی به‌رپرسی گشتیی لاوان له ده‌ره‌وه، باسێکی سه‌باره‌ت به لاوان‌و پێشکه‌ش کرد، به‌رێزیان له قسه‌کانیان‌دا لاوانیان دڵنیا کرده‌وه که کۆمیته‌ی حدکا له بریتانیاهه‌موو جۆره هاوکاری‌و یارمه‌تێک پێشکه‌ش به کۆمیته‌ی لاوان ده‌کات.
له بڕگه‌یه‌کی دیکه‌ی یه‌که‌مین کۆبوونه‌وه‌ی گشتیی لاوانی دێمۆکرات له وڵاتی بریتانیا، لاوانی ئاماده بوو  وێرای ئاراسته کردنی پرسیاره‌کانی خۆیان، سه‌رنج، تێبینی‌ خۆیان پێشکه‌ش کرد‌و به گه‌رمی به‌شداری باسه‌کانیان ده‌کرد. له بڕگه‌ی کۆتایی ئه‌م کۆبوونه‌وه‌دا، به مه‌به‌ستی خۆ ئاماده کردن بۆ گرتنی یه‌که‌مین کۆنفرانسی گشتیی لاوان له بریتانیا، به‌رێزان:
1.  قادر به‌هرامی
2.  له‌یلا ئه‌حمه‌دی
3.  یاسر مورادیان
4.  ره‌حمه‌ت دره‌خشانی
5.  مه‌سعود میرزائیان
به ئه‌ندامی کۆمیته‌ی کاتی لاوان هه‌ڵبژێردران‌.

پێویسته بگوترێ له یه‌که‌مین کۆبوونه‌وه‌ی کۆمیته‌ی کاتی لاوان له بریتانیا، به‌رێز یاسر مورادیان به به‌رپرسی لاوان له بریتانیا هه‌ڵبژێردرا.

پێویسته ئاماژه به‌و راستی‌یه بده‌ین که پێهاتنی کۆمیته‌ی کاتی لاوان به‌دوای رێوره‌سمی 10 خاکه‌لێوه‌دا پێکهات که کۆمیته‌ی حدکا له بریتانیا پێکی هینابوو، لاوان به‌شداریه‌کی به‌رچاویان تێدا کرد.

سه‌ره‌تای باسه‌که‌م‌


دواترین | په‌ڕگه‌ی 251 له‌ 373 | ‌په‌ڕگه‌ی ڕابردوو