Amir ئەمیـــــــــــــر

چەند ڕەنگین و دڵرفێنە ئەم بەهارە، بە بوونی تۆیە، بۆیە ئەم ژینەم لا شیرینە! وەرزی بەهار و مانگی خاکەلێوە پرە لە رووداوی گرینگی مێژووی و ئێمەی کوردیش بە هەموو خۆشی و ناخۆشیەکانییەوە را هاتووین! نەورۆز جەژنی نەتەوەی گرنگی تایبەتی خۆی هەیە و لەو رۆژەدا هەمووی ئێمە بە بۆنەی رۆژی نوێ و ساڵی نوێوە جەژن دەگرین و خۆشی دەگێرین! بەڵام دەی خاکەلێوە ئەگەرچی رۆژێکی تاڵ و لە هەمان کات دا میژووییە بۆ گەلی ئێمە، کە پێشەوا قازی هەمیشە زیندوو لە سێ دارە درا و رێبازە پیرۆزەکەی بە رێبوارانی بە ئەمەگی و لاوانی نیشتمان پەروەر سپارد، دەبێ بڵێم کە گرینگترین رووداویشە لە مێژووی ژیانی پر هەوراز و نشێوی منیش دا! دە ساڵ لەمەوبەر و لە رۆژی دەی خاکەلێوە دا تەنها ئاواتی ژیانم کە زۆر جار و بەر لەم رێکەوتە هەڵکەوتەدا لەگەڵ هاورێ نێزیکەکانم باسم دەکرد هاتە دی! ئاواتم ئەوە بوو کە هەر لە تەمەنی لاویدا پێی بگەم، بەڵام نەک هەر بە هەموو نرخێک! لەوانەیە کە هێندێکیش پەلەم کردبێ و شایەد بە وتەی یەکێک لە هاورێ خۆشەویستەکانم بۆ بنیادنانی ئەم ژینە و لەو کات و ساتە دا زوو بووبێ! ئەگەر چی هەر نکۆڵیم لێ دەکرد، بەڵام 

درێژه‌ی باسه‌که‌م‌

زۆر هاورێ و دۆستی خۆشەویستم بە بۆنەی نەورۆز و ساڵی نوێی 2708ی کوردییەوە نامەو کارتی پیرۆزباییان بۆ ناردووم! لەگەڵ ئەوە دا کە وەڵامی زۆربەی خۆشەویستانم داوەتەوە، بەو حاڵەش نەم ‌توانیوە بەداخەوە کە بە هۆی خوێندن و لەپاڵ ئەوەشدا کارکردن ئەرکی خۆم بۆ ناردنی نامە و کارتی پیرۆزبایی بۆ زۆر هاورێ و دۆستی خۆشەویست بنێرم! بۆیە لەم بارەیەوە هێندێکیش ویژدانم راحەتە کە لە وێبڵاگەکەم دا لە کاتی خۆیدا پیرۆزباییم لە هەموو لایەک کردووە. سپاس و رێزم بۆ هەموو ئەو بەرێزانەی کە بە پیرۆزباییە جوانەکانیان بەسەریان کردوومەوە. هاورێیەکی خۆشەویست و دۆستێکی زۆر کۆنم، کاک ئازاد بۆکانی لەوپەری دنیاوە بە ناردنی کارتێکی جوانی پیرۆزبایی، پیرۆزبایی جەژنی نەورۆز و ساڵی نوێی لێ کردووم! لەگەڵ رێز و ئەمەگناسیم بۆ کاک ئازاد و بنەماڵە خۆشەویستەکەی کارتی پیرۆزباییەکەی کە بۆی ناردووم و بۆ رێزلێنان لێرەدا بڵاوی دەکەمەوە! بە هیوای سەرکەوتن بۆ گشت لایەک جارێکی دیکە ساڵی نوێتان پیــــــــــرۆز بێ

درێژه‌ی باسه‌که‌م‌

سبەی پێنج‌شەممە یەکی خاکەلێوەی 2708ی کوردی (1387ی هەتاوی)، کاتژمێر 6:48ی بەیانی نەورۆزە و ساڵ نوێ دەبێتەوە! بەم بۆنەیەوە لە ناخی دڵمەوە پیرۆزبایی نەورۆزی کوردەواری و بەهاری نوێ لە گشت گەلی کورد و هەموو دۆست و رەفیقانم لە هەرکوێیەک هەن دەکەم! هیوادارم لەوڵاتێکی ئازاد و سەربەست دا بە دیداری یەکتر شاد بینەوەو و دیکتاتۆران و ئەهریمەنانی گەندەڵی داگیرکەر لە گۆر نێین!

 ئەم ساڵیش بەهاری کوردەواری بە بۆن و بەرامەی گۆڵ و گیای سەوز و رەنگین وردە وردە خۆی لێ نێزیک کردینەوە و مزگێنی وەرزێکی نوێی لە کار و تێکۆشانی بۆ بە دیاری هێناین! بە خێر بێی بەهاری نوێبوونەوە! ژیانی مرۆڤی کورد پرە لە کارەساتی جۆراوجۆر، پرە لە دەردی سەر و کوێرەوەری، پرە لە خەفەقان و گۆشەگیری، ژیانی مرۆڤی کورد هەتا بڵەی پرە لە بەش مەینەتی! بەڵام قەدەمی بەخێری بەهار، ژیانێکی نوێمان پێ‌دەبەخشی، فێرمان دەکا کە چلۆن خۆمان بۆ ئایندەیەکی گەش ئامادە کەین! بەهار بەرگێکی تازەو سیمایەکی گەش و ئەرکێکی تازەمان دەخاتە سەر شان، بەهار پێمان دەڵێ کە لە دەرد و مەینەتیەکانی ژیانتان دەرس وەربگرن و چاوەروانی نوێبوونەوەیەکی پرشنگدار بن! بەهار هادەم و هاوخەمی هەموو چەوساوەکانە، بەهار رێ نیشاندەری ئاسۆیەکی روونە! جەژنی نەورۆزو ساڵی نوێتان پیرۆز

درێژه‌ی باسه‌که‌م‌

یادی له‌ده‌ستچوان پاکردنه‌وه‌ی ده‌ردو به‌ڵاکان

 ئێوارێی ئه‌مرۆ سێ‌شه‌ممه‌ به‌بۆنه‌ی چوارشه‌ممه‌ سووری‌یه‌وه ‌شاهیدی ئاگرکردنه‌وه‌ی رۆڵه‌کانی گه‌له‌که‌مان له‌سه‌ر لوتکه‌ی چیاکان و گوند و شاره‌کانی کوردستان ده‌بین! گه‌لی کورد و گه‌لانی دیکه‌ی ئێران بۆ به‌ره‌وپیر چوونی نه‌ورۆز هه‌موو ساڵێ وه‌ک جێژن و وه‌ک ئایینێکی پیرۆز ئاگر ده‌که‌نه‌وه‌ و به‌سه‌ری دا باز ده‌ده‌ن و هه‌رچی ده‌رد و به‌ڵای که‌ مرۆڤ له‌ماوه‌ی یه‌ک ساڵی رابردوو دا به‌سه‌ری هاتووه‌ له‌ خۆیانی پاک ده‌که‌نه‌وه‌ و گۆرانی "زه‌ردی من بۆ تۆ   سووری تۆ بۆ من، غه‌م با بروات و شادی با بێت" ده‌ڵێنه‌وه. گرینگتر له‌مانه‌ له‌و رۆژه‌دا مرۆڤ یادی که‌سوکار و نێزیکانی خۆیان ده‌که‌نه‌وه‌ که‌ به‌هه‌ر جۆرێک له‌ده‌ستیان داون یان لێیان دوورکه‌وتوونه‌ته‌وه‌. شایانی باسه‌ که‌ ئه‌منیش به‌نۆبه‌ی خۆم یادی هه‌موو ئازیزانی له‌ده‌ست چووم و هه‌موو ئه‌و هاورێ و خۆشه‌ویستانه‌م‌ بکه‌مه‌وه‌ که‌ رۆژگارێک له‌ ته‌نیشتیان بووم و خۆشی و ناخۆشیه‌کانی ژیانمان پێکه‌وه‌ به‌سه‌ر ده‌برد. یادی هه‌موو ئه‌و ئازیزانه‌م به‌خێر. هه‌ر به‌م بۆنه‌وه‌ پیرۆزبایی ئه‌م رۆژه‌و  جێژنی نه‌ورۆز و هاتنی ساڵی نوێی کوردی له‌ هه‌مووخزم و که‌س و هاورێکانم و گشت خه‌ڵکی کوردستان ده‌که‌م 

درێژه‌ی باسه‌که‌م‌

ئه‌مرۆ رۆژی خۆشه‌ویستی‌یه‌، رۆژێکه‌ که‌ بیرهێنه‌ره‌وه‌ی رووداوێکی تاڵ له‌ سه‌ده‌ی سێی زایینیدایه،‌ کاتێک ڤاڵێنتاین کورێکی گه‌نجی رۆمی به‌هۆی یارمه‌تیدانی خه‌ڵکی مه‌سیحی له‌ ژێر فه‌رمانره‌وایی کلادیووس ده‌که‌وێته‌ زیندان و هه‌ر له‌و‌ زیندانه‌دا ڤاڵێنتاین ئاشقی کچێکی زیندانبان ده‌بێ و کلادیووس که‌ به‌م به‌زمه‌ ده‌زانێ ده‌ستووری ئێعدامی ناوبراو ده‌دا! به‌ڵام له‌ سه‌ده‌ی پێنجدا و له‌ رۆژی 14 ی فه‌ورییه‌ی‌ ساڵی 496 پاپی ئه‌عزه‌م گلاسیوس رۆژی ئێعدامی ڤاڵێنتاینی به‌ رۆژی خۆشه‌ویستی ناودێر ده‌کا! ئیتر له‌و کاته‌‌وه‌ هه‌تا به‌ ئه‌مرۆش له‌م رۆژه‌دا دڵداران به‌م بۆنه‌وه‌ گو‌ڵی خۆشه‌ویستی پێشکه‌ش به‌ خۆشه‌ویسته‌کانیان ده‌که‌ن! منیش له‌م رۆژه‌دا پیرۆزبایی له‌ هه‌موو خۆشه‌ویستان و ئه‌وانه‌ی که‌ باوه‌ریان به‌ خۆشه‌ویستی هه‌یه‌ ده‌که‌م و هیوادارم که‌ ئاشقانی رێگای خۆشه‌ویستی به‌ مرادی دڵی خۆیان بگه‌ن!

درێژه‌ی باسه‌که‌م‌

درێژه‌ی باسه‌که‌م‌

درێژه‌ی باسه‌که‌م‌